تمر مصر بواحدة من أسوأ مراحلها التاريخية في كل النواحي. فبرغم التقارير التي تذكرها الحكومة المصرية لتجميل الصورة إلا أنه وللأسف الحقيقة مختلفة عن تلك التقارير. ونزلونا جميعا يوم 25 هو بداية للنهاية، نهاية كل الصمت والرضا والخنوع لما يحدث في بلادنا وبداية لصفحة جديدة من الإيجابية والمطالبة بالحقوق.
يوم 25 يناير هو مش ثورة بمعنى إنقلاب لكن هو ثورة ضد الحكومة لنقول لها أننا بدأنا الاهتمام بشؤون بعضنا البعض وسنأخذ كل حقوقنا ولن نسكت بعد اليوم.فهناك 30 مليون مصري مريض بالاكتئاب منهم مليون ونص مرضى بالاكتئاب الجسيم وأكثر من مائة ألف محاولة انتحار خلال عام 2009 تسببت في وفاة 5000 شخص. لدينا 48 مليون فقير منهم مليونان ونصف المليون يعيشون في فقر مدقع. لدينا 12 مليون مصري بدون أي مأوى ومنهم مليون ونصف يعيشون في المقابر. هناك فساد منهجي أدى إلى وجود قضايا فساد تزيد قيمتها جميعا بأكثر من 39 مليار جنيه خلال عام واحد فقط. ومصر تحتلالمركز 115 بين 139 دولة في تقرير التنافسية العالمين من حيث الفساد الحكومي.هناك أكثر من 3 مليون شاب عاطل ونسبة البطالة بين الشباب تجاوزت 30% ومصر تحتل المركز الأخير بين 139 دولة في معدل الشفافية في التوظيف.لدينا أعلى معدل لوفيات الأطفال في العالم بواقع خمسين طفلا كل 1000 ولادة. ونصف أطفال مصر تقريبا مصابون بأنيميا و8 ملايين شخص مصاب بفيروس سي. ولدينا أكثر من 100 ألف مصاب بالسرطان سنويا بسبب تلوث المياه . ولديتا سيارة إسعاف لكل 35 ألف مواطن.في مصر قانون للطوارئ تسبب في وفاة عشرات المصريين من التعذيب والقبض على الآلاف منهم دون وجود أي سند قانوني لعمليات القبض عليهم. وبسبب استخدام الأمن لمراقبة السياسيين وإجهاض نشاطهم فقد نتج عن ذلك تزوير فاضح في انتخابات مجلس الشعب أدت إلى أن الحزب الحاكم يحصل على أكثر من تسعين بالمائة من مقاعد المجلس.لمعرفة المزيد ومصادر هذه المعلومات
مطالبنا
المطلب الأول: مواجهة مشكلة الفقر قبل أن تنفجر وذلك باحترام حكم القضاء المصري بزيادة الحد الأدنى للأجور زيادة عادلة خاصة في مجالات الصحة والتعليم لتحسين الخدمات المقدمة للشعب. والعمل على صرف إعانات تصل إلى 500 جنيه مصري لكل شاب خريج جامعي لا يستطيع الحصول على وظيفة وذلك لفترة محددة.
المطلب الثاني: إلغاء حالة الطوارئ والتي تسببت في سيطرة الجهاز الأمني على مصر والقبض على المعارضين لسياسات الحكومة ووضعهم في المعتقلات دون أي ذنب. ونحن نطالب بفرض سيطرة النيابة على الأقسام لوقف عمليات التعذيب المنهجية التي يتم ممارستها في أقسام الشرطة. وتنفيذ أحكام القضاء واحترامها من قبل الحكومة المصرية.
المطلب الثالث: إقالة وزير الداخلية حبيب العادلي بسبب الانفلات الأمني الذي تواجهه مصر متمثلا في الحوادث الإرهابية وانتشار الجرائم التي حدثت على يد ضباط أو عناصر من وزارة الداخلية دون وجود الرادع القوي.
المطلب الرابع: تحديد مدة الرئاسة بحيث لا تتجاوز فترتين متتاليتين لأن السلطة المطلقة مفسدة ولأنه لا توجد دولة متقدمة تسمح لرئيس الجمهورية البقاء عشرات السنين في منصبه. من حقنا أن نختار رئيسنا ومن حقنا ألا يستبد أحد بالسلطة فيحكم البلاد حتى يموت. طبعا هناك مطالب كثيرة لكل المصريين في مجالات زي الصحة والتعليم والبداية هي إننا نتحرك مع بعض ونحقق مطلب مطلب عن طريق الضغط على الحكومة وده دورنا كشعب إننا نوجه الحكومة ونحاسبها على أداءها ونحدد أولوياتها مش العكس.
أماكن وتوقيت المظاهرات
مهم جدا إننا نفهم إن هدف المظاهرة هو إننا نحشد كل الناس معانا. الناس كلها متضايقة ومظلومة ومش راضية عن حال البلد يبقى لازم نشجعهم يشاركوا وعشان كده عايزين نعمل مسيرات في كل المناطق الشعبية والناس تنزل مع بعض في مسيرات أكتر من عشر أشخاص لحد مكان المظاهرة ده مهم جدا. وعلى فكرة أماكن المظاهرات مش مقصورة على الأماكن المذكورة هنا لأن فيه مظاهرات في أماكن تانية لم يعلن عنها وهيتنظم فيها مظاهرات في محافظات مختلفة. المهم إنك تنزل وتعبر عن رأيك وغضبك بالطريقة اللي تقدر عليها.
لإعلان النهائي لأماكن التجمع في القاهرة الكبرى.
نرجو نشره في كل المواقع والصفحاتالقاهرة
......المكان الأول
............منطقة دوران شبرا
المكان الثانى
ميدان المطرية
المكان الثالث
ش جامعة الدول العربية
المكان الرابع
امام جامعة القاهرة ( تجمع المهنيين من اطباء ومحامين واساتذة جامعات )
تجمع المهنيين الذى تنظمه لجنة المهنيين بالحملة الشعبية لدعم البرادعى ومطالب التغيير ويضم هذا التجمع كل المهنيين من أطباء ومهندسين ومحامين ومدرسين وغيرهم من المقيدين فى النقابات المهنية المختلفة وسيرتدى الاطباء وطلاب كليات القطاع الطبى البالطو الأبيض وسيرتدى المحامون أرواب المحاماة وسيرافقهم عدد من أساتذة الجامعات على رأسهم أساتذة من كليات الطبملاحظات مهمة جدا:
- الأماكن تم تحديدها بالاتفاق مع العديد من القوى الوطنية وأدمن صفحه خالد سعيد
- تحديد أكتر من مكان عشان التواصل مع كل الناس في المناطق المختلفة وعشان الامن ميلقيناش صيد سهل في مكان واحد ويكثف تواجده فيه
...- إعلان باقي المحافظات تباعا
- شارع جامعة الدول هو مكان لتجمع سكان ميت عقبة وبولاق الدكرور وأرض اللواء
- على الجميع النزول وتنظيم مسيرات عشوائية وغير معلن عنها في المناطق ألأخرى
- اختيار أماكن بعيدة هدفه إن الناس كلها تشارك خاصة في المناطق الشعبية
- جاري التنسيق مع مجموعة من المحامين للدفاع عن أي شخص يحصل له أي مشكلة
- جاري التنسيق مع مجموعة من المصورين المحترفين لرصد أي تجاوزات
-يرجي زياره الصفحه يوم الثلاثاء صباحا للتأكد من المكان النهائي في حاله التغيير فيهالأماكن بمحافظه الأسكندريه
ميدان محطة مصر وميدان المنشية .. في تمام الساعه 2ظهرا
... يا ريت تبلغوا كل الناس اللي في الإسكندرية
علي ان تتحرك مسيرات من كل مناطق الأسكندريه تسير عبر الكورنيش او الشوارع الجانبيه
للوصول الي نقطه التجمع في توقيت المظاهره بالظبط
...بالتوفيق لشعب الأسكندريه العظيم وربنا معاكم
اماكن التظاهر بمدينة المحلة الكبرى هى ميدان البندر
وميدان الشون- ومنطقه الشعبيه والجمهوريه
بدء التجمع : 2 ظهراً - موعد خروج العمال والموظفين والطلاب
...على الجميع دعوة اصدقائة واقاربة والناس فى الشارع
ياريت الألتزام بميعاد المظهره بالدقيقه
مكان التجمع في طنطا
امام مبنى المحافظة
بدء التجمع : 2 ظهراً
بالتوفيق يا شعب الغربيه العظيم وربنا معااكم
اماكن محافظه الأسماعليه
الي شعب الأسماعليه العظيم
أماكن التجمع عندكم
شارع الثلاثيني وشارع السكة الحديد
الساعة 1:00 ظهرا
لأهالي الفيوم:
مسيرة كبيرة سيقوم بها أهالي الفيوم تبدأ من
ميدان الحواتم ببندر الفيوم تمام الساعة الثانية ظهرا يوم 25 يناير
محااااااافظه اسوان
التجمع بتاعكم
المكان:
ميدان المحطة
الميعاد:
...12:30
ربنا معاكم يا شعب اسوان العظيم
الي شعب السويس العظيم
بلد الغريب
التجمع في ميدان الاسعاف في الأربيعين
الساعه 1 ظهرا
ربنا معاكم ياشعب السويس
.محاافظه الدقهليه-المنصوره
ميدان مشعل..نهاية شارع الجلاء..وبداية شارع بورسعيد مكان التجمع ميدان مشعل ..الساعة 2 ظهرا..التوجد فى الاماكن المحيطه بالميدان وعدم دخول الميدان قبل الساعة 2..دخول الميدان فى الوقت المحدد تماما بخطوات سريعه..اذا منعك الامن من الدخول للمكان..تفرقوا وحاولوا الدخول من اى شارع اخر..محافظه كفر الشيخ
بميدان شارع بورسعيد ببلطيم(بجوار المخابرات)-الساعه 2ظهرا
دمياط
ميدان البوسطة -الساعة الواحدة ظهرا
شمال سيناء: العريش - أمام المجلس المحلى
الساعه 2
سوهاج
أمام الجامعه الساعه 2 ظهرا
قنا
ميدان بنزايون -الساعه2
محااااافظه الشرقيه
ميدان المحطهتحت تمثال احمد عرابي الساعه3
محاااااافظه الأقصر
المكان-ساحه ابو الحجاج الساعه 1ظهرا
إرشادات التظاهر
١) المظاهرة سلمية. نحن دعاة سلام ولسنا دعاة عنف. نحن نطالب بحقوقنا ومن الأولى أن نحافظ على حقوق الآخرين. لن نستجيب لأي محاولات استفزاز من الأمن عشان يخرجنا من شعورنا ويحصل اللي هما بيخططوا ليه. هدف رئيسي من أهداف الأمن هو تصوير المتظاهرين على إنهم شوية بلطجية عايزين يخربوا البلد. يجب ضبط النفس وعدم التهور وعمل أي شيء يخالف القانون أو يعرض حياة أي شخص لخطر أو يتسبب في الإضرار بأي ممتلكات عامة أو خاصة. وفي حالة تواجد أي أفراد بيقوموا بأي عمل عنيف يرجى التكتل حول الشخص واستبعاده الفوري من داخل المظاهرة وإبلاغ الأمن عنه
2)
يرجى التواجد في مكان المظاهرة في الوقت المحدد بالدقيقة. التأخير يتسبب في تشتيت الجهود واحتمال فشل المظاهرة. التواجد في نفس الوقت يجعل من السهل بدأ المظاهرة ويصعب على الأمن فرصة منعها
.٣) عند النزول من البيت لا تحمل أي شيء لا تحتاجه مثل كارنيهات أو الرخص أو بطاقات البنوك. احمل بطاقتك الشخصية ومبلغ كافي لأي طوارئ. ويا ريت متجيبش ساعتك أو أي حاجة تتكسر بسهولة. الزي الأفضل يكون رياضي أو جينز مع وجود جاكيت للحماية من البرد في حالة استمرار المظاهرة أو الاعتصام لوقت طويل. يا ريت كل شخص يجيب معاه قزازة مياه كبيرة لأنه داخل المظاهرة بيكون دايما في عجز في المياه
. ٤) يرجى إحضار علم مصر وعدم إحضار أي شعارات أو لافتات خاصة بأي حزب أو حركة أو جماعة أو جمعية أو طائفة دينية. اليوم لكل المصريين لأننا جميعا نطالب بالمساواة في الحقوق والعدالة الاجتماعية ومش عايزين نتفرق
.٥) في حالة عدم نزولك لأي مظاهرات لا تكن في الصفوف الأمامية واترك الصفوف الأمامية لمن هم أكثر خبرة على قيادة المظاهرة أو المسيرة عشان ميحصلش لخبطة في اتخاذ القرارات
.٦) الهتافات موحدة ومتفق عليها. يرجى عدم استخدام أي ألفاظ بذيئة أو الدخول في معارك جانبية مع أفراد الأمن. الأمن المركزي مش هو عدوك. هو مجند تم إجباره أثناء خدمته في الجيش على القيام بهذا الدور وفي حالة عدم طاعته للأوامر يتم معاقبته بأقصى العقوبات. حاول بقدر الإمكان تركز مشاعر غضبك نحو عدوك الحقيقي
.٧) المحاولة قدر الإمكان لعدم تعطيل المرور في الشوارع. نحن لا نعاقب المواطنين نحن نطالب بحقوقنا. طبعا باتكلم عن التعطيل المتعمد للمرور. لأنه في حالة نزول عشرات الآلاف في أي شوارع سيتم تعطيل المرور ومش ده اللي بنتكلم عليه
.٨) متنزلش لوحدك .. أكرر مهم جدا متنزلش لوحدك لأن الأصحاب بيفيدوا في الظروف دي. يا ريت تكون مع حد واقنع حد صاحبك تنزلوا مع بعض. زي ما بننزل الاستادات وقت الماتشات.
الهتافات الموحدة:
تحيا مصر ..تحيا مصر
عيش ... حرية ...كرامة انسانية
......
حرية ..حرية ...حرية ..حرية
يا حرية فينك فينك.....الطواريء بينا وبينك
مش هنخاف مش هنطاطى....احنا كرهنا الصوت الواطى
شعب تونس يا حبيب....شمس الثورة مش هتغيب
بالروح بالدم.......نفديك يا وطن
ارفع صوتك قول للناس......احنا كرهنا الظلم خلاص
واحد اتنين....احنا المصريين
صحى الخلق وهز الكون....مصر بلدنا مش هتهون
راجعين راجعين...يا بلدنا مش خايفيين
جايين جايين...يا بلدنا نوفى الدين
لما شعب تونس قام...هرب اللص والمدام
حد أدنى للأجور..قبل الشعب ما كله يثور
حقى ألاقى شغل واعيش..والملاليم ما بتكفيش
يلا يا مصرى صحى الروح...الحرية باب مفتوح
ادى الشعب ولع جاز... بعد ما قالوا ليه انحاز
المحدود الدخل يموت..ولا ينادى بعلو الصوت
يلا يا شعب عدى الخوف....خلى الدنيا تصحى تشوف
شعب حضارة ومجد سنين...مش هيطاطى ليوم الدين
وهنغنى
اسلمي يا مصر اننى الفدا
وهنغنى
قوم يا مصري مصر دايما بتناديك
قوم لنصرى نصر دين واجب عليك
وهنغنى
اذا الشعب يوما اراد الحياة فلا بد أن يستجيب القدر
ولا بد لليل أن ينجلى...ولا بد للقيد أن ينكسر
ملحوظة : تركيزنا فى الهتاف سيكون على شعار اليوم لتصل الرسالة
عيش ... حرية ...كرامة انسانية
